Azərbaycan
Respublikasının Qeyri-Hökumət Təşkilatlarına
Dövlət Dəstəyi Agentliyinin maliyyə dəstəyi
ilə Şəmkir Regional Qeyri-Hökumət Təşkilatlarının Resurs və Təlim İctimai
Birliyi "Radikal dini
cərəyanların və ekstremizmin
durdurulmasında mübarizə tədbirlərinin təşkili” mövzusunda 03 iyul 2023-çü il tarixdən fəaliyyətə başlamışdır.
Xeberle.com xəbər verir ki, milli-mənəvi dəyərlər
əsasında formalaşmış bəşər mədəniyyətinin bazisində din amili mühüm yer tutur. Din mahiyyətçə passivlik tələb edən, lakin
xaraktercə aktivlik göstərən bir sahədir. Bu səbəbdən din ətraflı diqqət istəyir.
Qloballaşma elə bir prosesdir ki, bu zaman tutduğu
mövqeyindən asılı olaraq milli-mənəvi dəyərlərin tənəzzül etməməsi və
aşınmaması istiqamətində hər bir vətəndaş öz vəzifəsini yerinə yetirməli, bu
yöndə bütün bilik və bacarığını səfərbər etməlidir. Bu məsələ həm də öz növbəsində
QHT-ləri də narahat edir.
Bildiyimiz kimi bu istiqamətdə ümumimilli liderimiz
Heydər Əliyevin və Prezident cənab İlham Əliyevin xüsusi nəzarəti ilə çoxlu tədqiqat
işləri aparılmış, bir çox kitablar yazılmış, dəyirmi masalar, konfranslar və s.
keçirilmişdir.
Əsas aktuallıq kəsb edən odur ki, necə etmək
lazımdır ki, bizim milli-mənəvi, dini dəyərlərimiz, əxlaqi qaydalarımız dünyanı
öz ağuşuna almış bu qloballaşma prosesini daha da zənginləşdirsin, ona bir növ
öz töhfəsini versin.
Radikalizm, terrorizm və s. qlobal fəlakətdir. Bu səbəbdən
vətəndaş cəmiyyəti nümayəndələrinın də əsas məqsədlərindən biri onunla mübarizədir.
Müasir dövrdə bəşəriyyət dini radikalizm, terrorizm və ekstremizm kimi bəlalardan
əziyyət çəkir. Ölkəmiz bu bəlalardan qurtulmaq üçün ən güclü vasitələrdən belə
istifadə edir. Bu vasitələrdən biri dövlətimiz
multikultiralzmi yüksək səviyyədə inkişaf etdməsidir.
Azərbaycanın qərb regionunda dini maarifləndirmənin
səviyyəsinin yüksəldilməsi, maarifləndirmənin hər hansı məzhəblik deyil, ümumi
saf dini prinsiplər əsasında təşkil olunması, xurafatçılığa yol verilməməsi, gənclərə vətənpərvərlik və s. ruhunun aşılanması amilləri mühüm əhəmiyyət kəsb edir. Maarifləndirmədə
dini dözümlülük mühitinin qorunub saxlanması və daha da inkişaf etdirilməsi vacib amildir. Dini dəyərlərin təbliği və
insanları radikalizmin təsirindən qorumağın ilkin metodu maarifləndirmə işinin
aparılmasıdır.
Layihə çərçivəsində Şəmkir
rayonunda 4 məlumatlandırma sessiyalarının həyata keçirilməsi
planlaşdırılmışdır. Eyni zamanda ardıcıl olaraq
radikal dini cərəyanların və
ekstremizmin durdurulmasında mübarizə
aparılması üçün gənclər arasında daimi maarifləndirmə işləri həyata keçiriləcək.
Mətbuatda və yerli media orqanlarında bu mövzu ətrafında müzakirələrin
aparılması da nəzərdə tutulmuşdur.
Xəbərdən istifadə edərkən istinad etmək vacibdir.
