Xeberle.com xəbər verir ki, bu gün  Azərbaycan Qızıl Aypara Cəmiyyətinin (AzQAC) təsisçilərindən biri, görkəmli hərbi xadim, general-leytenant Əlağa Şıxlinskinin 150 illik yubileyi ilə bağlı tədbir keçirilib. Tədbiri açan AzQAC-ın prezidenti, Milli Məclisin deputatı Novruzəli Aslanov bildirib ki, Azərbaycanın görkəmli hərbi xadimi, tanınmış hərbçi alim, general-leytenant Əlağa Şıxlinskinin anadan olmasının 150 illik yubileyinin keçirilməsi ilə bağlı Prezident İlham Əliyevin Sərəncamına uyğun olaraq ölkəmizdə bir sıra tədbirlər təşkil edilir. Diqqətə çatdırılıb ki, Əlağa Şıxlinski Qızıl Aypara Cəmiyyətinin yaradılmasında, onun inkişafında önəmli rol oynayıb. Tədbirdə N.Aslanov AzQAC-ın tarixi, fəaliyyəti və keçdiyi inkişaf yolu barədə ətraflı məlumat verib.
Qeyd edək ki, tədbirdə  Azərbaycan Qızıl Aypara Cəmiyyətinin bir qrup fəalına "Qızıl Aypara” medalı təqdim edilib.
Mükafatlandırılanlar arasında Cəmiyyətin Sumqayıt bölməsinin sədri Mətanət Məhərrəmova da var. Məlumat üçün bildirək ki, M. Məhərrəmova 2001-ci ildən Sumqayıt bölməsinə rəhbərlik edir. Ötən müddət ərzində Sumqayıt bölməsinin fəaliyyəti xüsusilə ilə seçilib.  Məhz bunun nəticəsidir ki, Sumqayıtın 60 illik yubileyində M. Məhərrəmovanın fəaliyyəti yüksək qiymətləndirilib. Belə ki, bölmə sədri Sumqayıt şəhər İcra hakimiyyətinin təqdimatı əsasında "Tərəqqi"medalına layiq görülüb.
Xeberle.com