Yeni Azərbaycan Partiyası Xızı rayon təşkilatının sədri Ayaz Quliyev, Milli Məclisin deputatı Müşfiq Məmmədli Xızı rayon Şorabad və Türkoba kənd sakinlərilə görüşüb.
Xeberle.com xəbər verir ki, görüşdə çıxış edən YAP Xızı rayon təşkilatının sədri Ayaz Quliyev və deputat Müşfiq Məmmədli Yeni Azərbaycan Partiyasının VII qurultayından sonrakı dövrdə, Partiyada aparılan islahatlar, görülən işlər, Azərbaycan Respublikasının Prezidenti, Yeni Azərbaycan Partiyasının sədri, Müzəffər Ali Baş Komandan Cənab İlham Əliyevin apardığı daxili və xarici siyasət, 44 günlük Vətən müharibəsindəki qələbə, müharibədən sonra aparılan məqsədyönlü siyasət, işğaldan azad edilmiş torpaqlarda aparılan quruculuq işləri, məcburi köçkünlərin doğma yurdlarına qayıdışı ilə bağlı məsələlərdən bəhs ediblər.
Görüşdə iştirak edən sakinlər aidiyyatı üzrə suallar və təkliflər vermiş, belə görüşlərin təşkil olunmasını yüksək qiymətləndirmişdirlər. Görüşdə bir sıra məsələlərə toxunulmuş, lazımi qeydlər aparılmışdır. Vətəndaşlar öz növbəsində çıxış edərək ölkə rəhbərinə olan rəğbətlərini bir daha vurğulamış, keçirilən bu görüşlərin mütəmadi olmasının vacibliyini qeyd etmişlər. Daha sonra kənd sakinləri onları narahat edən məsələləri səsləndirmişlər.
Xəbərdən istifadə edərkən istinad etmək vacibdir.
