Dönər sanitariya-gigiyena qaydalarına riayət edilsə də zəhərləyir…
Dünən Bakıda məktəblilər Bakıda bir dönərxanadan dönər alıblar və 21 uşaq zəhərlənib xəstəxanaya düşüb. Belə hallar bizdə çox olur və mətbuatda bu kimi kütləvi zəhərlənmələr haqda gen-bol məlumat gedir, sonra da həmin dönərxananı-kafeni cəriməliyirlər, ya da müvəqqəti bağlayırlar. Guya ki, zəhərlənmə olmasa hər şey qaydasında olur?! Fast-fud kimi tanınan ayaqüstü yeməklər, o cümlədən dönər də, dadlı olsa da ümumiyyətlə sağlam qida deyil və müntəzəm yeyilirsə sağlamlığa, ələlxüsus uşaqların sağlamlığına ciddi zərər vurur, xəstəxanaya düşməsə də zəhərləyir. Ona görə də dövlət, mətbuat təbliğat aparmalıdır ki , insanlar belə qidalardan, "McDonalds”, "KFC” kimi yerlərdən uzaq olsun.
Ayaqüstü yeməklər niyə zərərli hesab olunur? Çünki artıq çəki və piylənməyə səbəb olur,vitamini olmayan bu cür bütün yeməklərin tərkibini çox kalorili və çoxlu miqdarda yağ və şəkər təşkil edir. Belə qidalar qaraciyəri yükləyən və ürək-damar sisteminə zərər verən bir çox heyvan mənşəli yağlarla zəngindir. Karbohidratlarla və yağlarla zəngin olan məhsullar toxluq hissi yaratmağa da qadir deyil.
Dönər kimi Fast-fud qidaların immuniteti zəiflətməsi və insana zərəli olmasını bilmək üçün alim, mütəxəssis olmağa ehtiyac yoxdur. Bu barədə internetdə kifayət qədər faktlar,məlumat var. Ümumiyyətlə, evdə hazırlanan isti və sulu yeməklərdən daha xeyirlisi yoxdur. Sovet dövrü müsbət şeylərdən biri də o idi ki, uşaqlar dərsə kotlet-çörək, çörəkarası nəsə, böyüklər,indi gülməli olsa da bankada yemək aparırdı.Və əsas odur ki, sağlam qidalanırdılar deyə az xəstələnirdilər.
İmran Kərimli
Xəbərdən istifadə edərkən istinad etmək vacibdir.
