Bu gündən etibarən Respublikanın şəhər və rayonlarında istiliyin verilməsi təmin olunub.
Bu sözləri Azəristiliktəchizat ASC-nin mətbuat katibi Elvin Basqallı deyib.
"Mövsüm ərzində 561 qazanxana fəaliyyət göstərəcək. Ümumilikdə respublika üzrə 3 870 yaşayış binası, 151 səhiyyə müəssisəsi və 2500-ə yaxın digər obyektlər, o cümlədən Bakıda 175 məktəb, 127 uşaq bağçası, bölgələrdə 110 məktəb, 34 uşaq bağçası mərkəzləşdirilmiş istiliklə təmin ediləcək”, - Basqallı bildirib.
Xatırladaq ki, noyabrın 1-dən respublikanın dağlıq və dağ ətəyi əraziləri hesab edilən Şuşa, Şabran, Xaçmaz, Quba, Qusar və Lerikdə istiliyin verilməsinə başlanılmışdı.
Xəbərdən istifadə edərkən istinad etmək vacibdir.
