Abşeron rayonunda zibil qutuları günlərlə, zibilliklər isə tamamilə təmizlənmir. Xırdalan qəsəbəsində antisanitar vəziyyət hökm sürür.
Xeberle.com-un məlumatına görə, günlərdir Xırdalanda yaşayan sakinlər poçtun qarşısında yaranan zibillik barədə şikayət etsə də, Abşeron Rayon İcra Hakimiyyəti heç bir tədbir görmür. Poçtun yanındakı yaşayış binasında yaşayan sakinlər bildirir ki, sözügedən yerə zibil qutuları qoyulub, vaxtında təmizlənmədiyindən əhalisi sıx olan ərazidə belə ürəkbulandırıcı mənzərə əmələ gəlir.
Həmçinin şəhərin müxtəlif yerlərində zibilliklər xaotik şəkildə yerləşdirilib. Qutularda saxlanmayan plastik torbalar külək və sahibsiz heyvanlar tərəfindən getdikcə daha çox şəhər ərazisinə yayılır.
Ərazidə yaşayan sakinlər deyir ki, hər gün bu natəmizliyin yanından xeyli uşaqlar keçir. Bu da payız mövsümündə xəstəliklərin daha da yayılmasına şərait yaradır. Nəticədə uşaqların xəstəlik tapa biləcəyi natəmizlik yaradır.
Abşeron rayon İcra Hakimiyyəti dövlət büdcəsi hesabına bahalı maşınlar alıb əhaliyə xidmət göstərmək əvəzinə, bu cür natəmizliyin yaranmasına şərait yaradırlar. Fotolardan da aydın olur ki, qurumun işçiləri gəlib ancaq zibil qutularını boşaldırlar. Yerdəkilərə əllərini də vurmurlar.
Elşən Yəhyayev
Xəbərdən istifadə edərkən istinad etmək vacibdir.
