Azərbaycan Respublikası Səhiyyə Nazirliyi, Səhiyyə Nazirliyinin Milli Hematologiya və Transfuziologiya Mərkəzinin və Azərbaycan Hematologiya Mütəxəssisləri İctimai Birliyinin birgə təşkilatcılığı ilə Ümumilli Lider Heydər Əliyevin 100 illiyinə həsr olunmuş "3-cü Azərbaycan Hematologiya Mütəxəssisləri Konqresi, 1-ci Beynəlxalq Qan Bankı və Transfuzion Tibb Simpoziumu”nun rəsmi açılış mərasimi keçirilib. Açılışda Azərbaycan Respublikası Səhiyyə Nazirinin müavini Nadir Zeynalov, İcbari Tibbi Sığorta üzrə Dövlət Agentliyinin İdarə Heyətinin sədr müavini Nigar Bayramova, Tibbi Ərazi Bölmələrinin İdarəetmə Birliyinin icraçı direktorunun müavini Araz Nəsirov, Milli Məclisin Səhiyyə Komitəsinin üzvü, millət vəkili Müşfiq Məmmədli və Azərbaycan Hematologiya Mütəxəssisləri İctimai Birliyinin Sədri Valeh Hüseynov çıxış ediblər.
Həmçinin Avrasiya Hematologiya Onkologiya Qrupunun (EHOG), SOHO İtaliya Hematologiya və Onkologiya Cəmiyyətinin, Türk Hematoloji Dərnəyinin (THD) rəhbərləri açılış məruzələriylə çıxış edərək konqresin işinə uğurlar arzulayıblar.
Xəbərdən istifadə edərkən istinad etmək vacibdir.
