Novxanıdakı məşhur villa yenidən satışa çıxarılıb.
Klassik janrda, heykəllərlə bəzədilmiş dəbdəbəli saray 6,5 milyon manata təklif olunur. Qeyri-adi üslubda inşa olunan əsrarəngiz villa Xəzər dənizi sahilində, 0,45 hektar ərazinin içərisindədir. 4 mərtəbəli sarayın sahəsi 1500 kv.m-dir. Burada idman, bilyard və tensis zalları, eləcə də bar, diskoklub mövcuddur.
Qeyd edək ki, malikanənin sahibi Bəxtiyar Dali kimi tanınan 60 yaşlı şəxsdir. O, Rusiya vətəndaşıdır. Uzun illər bu ölkədə hərbi mühəndis işlədiyini və təqaüdə çıxdıqdan sonra Azərbaycana, ata yurduna gəldiyini bildirir.
Elşən Yəhyayev
Xəbərdən istifadə edərkən istinad etmək vacibdir.
