İqtisadi Zonaların İnkişafı Agentliyinin nəzdində Peşə Təhsil Mərkəzində "Liderlik və yaradıcı düşüncə" mövzusunda seminar təşkil edilib. Seminarın qonağı Bakı Mühəndislik Universitetinin müəllimi, STEM üzrə İsraildə keçirilən təlim proqramının iştirakçısı, Elm və Təhsil Nazirliyi tərəfindən "Dördnişanlı” fəxri fərman mükafatçısı Bəhman Qüdsi olub.
B.Qüdsi tələbələrlə kreativlik, liderlik və şəxsi inkişaf mövzuları ətrafında diskussiya aparıb və tələbələrin suallarını cavablayıb. Seminar tələbələrin böyük marağına səbəb olub.
Seminarda 140-dan artıq Mərkəzin tələbəsi, eyni zamanda da İqtisadi Zonaların İnkişafı Agentliyinin nəzdində Peşə Təhsil Mərkəzinin müəllim heyəti iştirak edib.
Xəbərdən istifadə edərkən istinad etmək vacibdir.
