Xalq arasında infarkt dediyimiz xəstəlik əslində tam tibbi adı miokard infarktıdır və bu xəstəlik ürəyi qidalandıran arteriaların tıxanması nəticəsində ortaya çıxır.
Bəs infarktın əlamətləri nələrdir?
"Ürək tutmasının ilk əlaməti döş sümüyünün arxasında kəskin ağrının baş verməsidir. Bu zaman ağrı çox güclü olub yandırıcı şəkildə hiss edilir”.
Bunu Xeberle.com-a açıqlamasında Doktor.az klinikasının həkim-kardioloqu Arif Abdulrəhmanov deyib. Onun sözlərinə görə, bəzən xəstə ağrı hissi çox dözülməz olduğu üçün qışqırmağa məcbur olur:
"Ağrı sol qol, çiyin, kürək, ağaşı çənə, boyun və kürəklərarası sahəyə yayılır. Digər bir halda miokard infarktı zamanı ağrı yox, döş qəfəsində narahatlıq-kəskin sıxılma, təzyiq, ağırlıq hissi yarana bilər. Belə olan halda, ağrı ürəkbulanma, qusma, soyuq tər, həyəcan, ölüm qorxusu, ürək ritminin pozulması, nəfəsalmanın çətinləşməsi, huşun itməsi ilə müşayiət olunur”.
Elşən Yəhyayev
Xəbərdən istifadə edərkən istinad etmək vacibdir.
