İqtisadi Zonaların İnkişafı Agentliyinin (İZİA) Peşə Təhsil Mərkəzində 20 Yanvar faciəsinin 34 illiyinə həsr olunmuş anım tədbiri keçirildi.
Əvvəlcə ölkəmizin müstəqilliyi uğrunda canından keçən şəhidlərin əziz xatirəsi bir dəqiqəlik sükutla yad edilib və Azərbaycan Respublikasının Dövlət Himni səsləndirilib.
Xeberle.com məlumat verir ki, Mərkəzin Direktoru Kənan Bağırov tədbirdə çıxış edərək 20 yanvar faciəsində xalqımıza qarşı törədilən vəhşiliklərdən bəhs edib. Bu hadisənin həm də xalqımızın azadlıq mübarizəsinin qəhrəmanlıq səlnaməsi olduğunu vurğulayıb.
20 yanvar faciəsində baş vermiş o dəhşətli hadisələri gözləriylə görən, o faciəni yaşayan, həmin illərdə Bakı Dövlət Universitetinin tədbiqi riyaziyyat kafedrasında müəllim işləyən, birinci Qarabağ müharibəsi iştirakçısı Mayor Novruz Məmmədov öz təsuratlarını tədbir iştirakçıları ilə bölüşdü. Sonra 20 Yanvar - qanlı tariximiz” adlı qısa film nümayiş etdirilib və tələbələrin ifasında şeirlər səsləndirilib.
Sonda Peşə Təhsil Mərkəzinin bir qrup müəllim və tələbə heyəti Şəhidlər Xiyabanında vətən uğurunda canından keçən şəhidlərin məzarını ziyarət edib, məzarları üstünə gül dəstələri qoyublar.
Xəbərdən istifadə edərkən istinad etmək vacibdir.
