Standartlaşdırma və Patent üzrə Dövlət Komitəsinin Texniki Tənzimləmə və Standartlaşdırma üzrə Dövlət Nəzarəti Xidməti Sumqayıt Ərazi İdarəsi Sumqayıtda qeyri-qanuni fəaliyyət göstərən limonad sexi aşkarlayıb. Xeberle.com-un məlumatına görə, Standartlaşdırma, Metrologiya və Patent üzrə Dövlət Komitəsinin Dövlət Nəzarəti Xidmətinin Sumqayıt  Ərazi İdarəsinin nümayəndələri tərəfindən insan həyatı üçün təhlükəli olan sexin fəaliyyəti dayandırılıb.
Belə ki, Sumqayıtın Kimyaçılar qəsəbəsində  fiziki şəxs Siyavuş Yadigarova məxsus qeyri-qanunui fəaliyyət göstərən alkoqolsuz içki istehsalı ilə məşğul olan gizli fəaliyyət göstərən sex aşkara çıxarılıb.  Müəssisədə istehsal olunan alkoqolsuz içkilərin (tərxun, düşes) uyğunluq sertifikatının olmadığı müəyyən edilib. Eyni zamanda istehsal prosesinin reqlament texnoloji təlimat və resepturasının olmadığı da aşkarlanıb. İstehsal olunan məhsulların sınaqları aparılmadan satışa verılıb və normativ sənəd QOST 28188 üzrə məhsulun saxlama müddətinin 20 gün olduğu halda markalanmada 90 gün qeyd olunur. Bu da məhsulun saxlanma müddəti bitdikdən sonra 70 gün müddətində satışda olmasında xəbər verir. Sexdə sirobun hazırlanmasında ölçü hədləri olmayan qablardan istifadə olunur və xammallar gözəyarı qatılır. Bu zaman istifadə olunan butulkalar kustar üsulla yuyularaq qablaşdırmada istidafə edilir.  
Aşkar olunan nöqsanlar nəticəsində müəssisənin fəaliyyəti dayandırılıb və cərimə protokolu tərtib olunub.  Müəssisə rəhbərinə icrası məcbur olan göstərişlər verilib. Bu cür reydlərin davam etdirilməsi nəzərdə tutulur.
Xeberle.com