İnsan ömrü bir yola bənzəyir. Bu gün ləyaqətli bir ömür yolundan bəhs etmək istəyirəm. Bu yolun karvanı 70 ildir yol gəlir. Bu yol heç də daim hamar olmayıbdır. Bu yolun sahibi, bu karvanın yükünü çəkməyi bacaran, bənzərsiz naxışı olan, özünə qurub-yaratmağı amal seçən, yaşadığı həyatın şöhrət zirvəsinə yüksələn, elinin-obasının arxa-dayağı olan, istedadlı, güclü, zəhmətkeş, xalqının və millətinin sevimli oğlu Zakir Fərəcovun ömür yoludur. Zakir Fərəcov dövlətinə və millətinə çox sədaqətlidir.
2015-ci ilin sentyabr ayında Sumqayıt şəhərinə icra başçısı təyin olunananda Sumqayıt və sumqayıtlılarının qazandığını desək yanılmarıq. Ömrünün uzun illərini Sumqayıtda yaşadığına görə, o Sumqayıtın problemlərini daha dərindən bilirdi. Və Sumqayıt hər bir sahədə qısa bir müddətdə böyük bir inkişaf yolunu keçməyə başladı. Sanki bir inqilab baş verdi. Azərbaycan Respublikasının Prezidenti İlham Əliyev Sumqayıtda qısa müddətdə yaradılmış bulvarı möcüzə adlandırdı. Bu bulvar uzun illər Sumqayıt sakinlərinin və Sumqayıtımızın qonaqlarını heyrətləndirəcək. Sumqayıt bugün nəinki ölkəmizin, dünyanın ən gözəl şəhərlərindən birinə çevrilib.
Mən bir səhiyyə işçisi kimi demək istəyirəm ki, Zakir müəllimin rəhbərlik etdiyi dövrlərdə, istər Abşeron rayonunda, istərsə də Sumqayıt şəhərində tibb çox böyük bir inkişaf yolu keçibdir. Yeni tibb ocaqlarının tikilməsi, maddi-texniki bazanın möhkəmləndirilməsi, tibbin ideologiyasının inkişafında onun əvəzsiz rolu vardır. Biz tibb işçiləri hər daim istər xoş günlərdə, istərsə də çətin günlərdə onun sevgisini, dəstəyini hiss etmişik. Yaxın keçmişdə bütün dünyada tüğyan edən pandemiya dövründə də Zakir Fərəcovun daim dəstəyini, qayğısını öz çiyinlərimizdə duyduq. Bu pandemiya ilk olaraq Çində başladı. Zakir müəllimin təklifi ilə, təşəbbüsü ilə Sumqayıt Çinə ilk yardım göndərən şəhərlərdən biri oldu. Artıq ölkəmizdə bu xəstəlik yayılmağa başlayanda Zakir Fərəcovun öz şəxsi əlaqələrindən istifadə edərək bizi medikamentlərlə, tibbi sərfiyyatla, hətta müalicənin kliniki protokolu ilə vaxtında təmin etməsi şəhər sakinlərinin az itki ilə pandemiyadan çıxmasına səbəb oldu.
Qeyd etmək istəyirəm ki, onun müharibə dövründə hər bir şəhid ailəsinə göstərdiyi diqqət və qayğı, daim onların yanında olması, qazilərimizin müalicəsi, reabiltasiyası ilə, həyat şəraiti ilə tanış olması hər birimizə örnəkdir. Zakir Fərəcovun təkcə öz ailəsi üçün deyil, qohum-əqrəbası, dostları və şəhər sakinləri üçün öz ömrünü xərcləməsi danılmaz bir faktdır. O məsuliyyətli, sakit, təmkinli və dəryalar qədər bir insandır. Hər dalğa onu bulandıra bilməz. Zakir müəllimi, təsadüfi deyil ki, istər Abşeron, istərsə də Sumqayıt şəhərində hər kəs öz ağsaqqalı hesab edir. O, özünün, elinin-obasının ləyaqətini qorumaqla əsl Azərbaycan vətəndaşı, ziyalısıdır.
O, əslində əksər imkansızlar, köməyə ehtiyacı olanlar, könülləri intzarda qalıb yol gözləyənlər üçün sanki bir dayaqdır, "sönməz məşəldir”.
İnsanları dəyərləndirməyi bacaran, sevindirməyi bacaran, ləyaqətli bir ömür keçirən dövlət xadiminə uzun ömür, cansağlığı arzulayıram. Onun işıqlı dühası hələ uzun illər, xalqının, millətinin yoluna işıq saçsın!
Sumqayıtımızın 70 yaşlı fədakar övladı Zakir müəllim, yubileyiniz mübarək!
Təranə Rəcəbli
Əməkdar həkim
Xəbərdən istifadə edərkən istinad etmək vacibdir.
