Azərbaycan Milli Antidopinq Agentliyi (AMADA) Azərbaycanda da fəaliyyət göstərirsə, bu qədər idman zallarında, xüsusilə soyunub-geyinmə otaqlarında mənşəyi bilinməyən iynələr (ciddi hormonal pozuntulara, xərçəngə, sonsuzluğa və bir çox ağır xəstəliklərə yol açan, və dərman preparatları (steroidlər və s.) istifadə olunur, bunlara nəzarət çox zəifdir, demək olar ki, yoxdur...
Bəs bütün bunlara kim nəzarət etməlidir?
Adını "idman" qoyduğunuz fəaliyyət növü bəs həqiqətən idmandırmı?!
Əsl idman nədir?!
Məsələn, nümunə çəkək...
BMT (Birləşmiş Millətlər Təşkilatı) Dünya dövlətləri tərəfindən yaradılan, "Ümumdünya Hökuməti" kimi bütün dövlətləri bir araya gətirib, bu birliyə BMT adı verib.
İlk növbədə sağlamlıq, daha sonra nəticə (olimpiya oyunları, dövlətlərarası mötəbər yarışlar, turnirlər, qaliblərin müəyyən olunması) Döyüş növləri də, daxil olmaqla, bütün növlər birləşərək "İDMAN" adlı, nüfuzlu bir fəaliyyət növünü yaradır.
Yəni, idman özü də, bu fəaliyyət növündə hərkəsi (dinindən, cinsindən, irqindən, milliyətindən, mənsubiyyətindən aslı olmayaraq) birləşdirən böyük bir toplumun özüdür.
Bir yerdə idman adı keçirsə, orada mütləq sağlamlıq, nəticə olmalıdır. İdman ümumiyyətlə küçə döyüşlərini təbliğ etmir, vandalizm, xuliqanlıq, zəifi əzmək, qol gücünə, estetik bədən qurluşuna güvənib, şəxsiyyəti aşağılayan hərəkətlər olan yerdə İDMAN adı keçə bilməz.
Yəni, qısa və konkret bu idman deyil, heç vaxt da ola bilməz.
Dünyanın bir çox inkişaf etmiş ölkələrində dopinqlə bağlı ciddi qadağalar mövcuddur. Dopinqdən istifadə edən heç bir ictimai qurum, təşkilatlar həmin dövlətlərin ciddi qurumlarında təmsil oluna bilməzlər. Hətda bir çoxları cinayət məsuliyyətinə cəlb olunurlar. Onların xüsusi yarışlar keçirməsinə, dopinqdən istifadə edən fərdlərin bu bu tip yarışlarda təmsil olunmasına qəti şəkildə icazələr verilmir, uzun müddətli məhdudiyyətlər qoyulur. Bu barədə yerli və beynəlxalq xəbər portallarında, rəsmi qurumların saytlarında bir çox xəbər və məqalələr mövcuddur.
Bəs bizdə vəziyyət necədir?
Təəssüflər olsun ki, biz də bütün bu sadalanlara ciddi əməl olunmur.
Mübarizə aparmaq əvəzinə həmin qurumları, fərdləri alqışlayırıq…
Sözün əsl mənasında bu bizi məyus edir.
Unutmayaq ki, bugünün sağlam gənci dövlətimizin gələcəyi, sabahımızın sağlam təminatçısıdır.
Ümid edirəm ki, Gənclər və İdman Nazirliyi bu məsələlərdə də, tez bir zamanda müəyyən addımlar atacaqdır. Çünki, idman adı qoyduğumuz həmin fəaliyyət növünün adı əslində "ölüm”dür.
Steroidlərin yaradadağı ciddi problemlər:
Süni şəkildə əzələ kütləsinin artmasına baxmayaraq, anaboliklərin ciddi yan təsirləri mövcuddur. Yan təsirlər dərhal yox, bir müddət sonra meydana gəlir. Beləliklə, yan təsirlər arasında aşağıdakıları qeyd etmək olar:
-Kişilərdə döşlərin böyüməsi - Ginekomastiya.
-Qaraciyər xəstəlikləri.
-Dəri problemləri.
-Cinsi gücün və cinsi həvəsin azalması.
-Qan təzyiqi yüksəlir. Bu ürək tutmasına gətirib çıxara bilər.
-Prostat adenomasının və potensiya ilə bağlı problemin yaranması.
-Prostat vəzinin şişi
-Ürək-damar xəstəliklərinin yaranması. Problem "pis” xolesterinin çoxalması və "yaxşı” xolesterinin” azalması səbəbindən yaranır.
-Saçların tökülməsi.
-Fiziki inkişafın ləngiməsi.
-Xaya ölçülərinin kiçilməsi.
-Orqanizmdə su-elektrolit balansının pozulması.
-Dərinin yağlılığının dəyişməsi.
-Psixi dəyişikliklər.
-Mədə-bağırsaq pozğunluqları.
-Ürəyin böyüməsi.
-İmmun sistemin zəifləməsi.
Bu steroidlərin istifadəsi nəticəsində yaranan əsas yan təsirlərdir. Steroidlərin qəbuluna qərar verməzdən əvvəl öz qərarınızı 100 dəfə ölçüb-biçin. Buna dəyərmi? Bəlkə fiziki yüklənmələrə daha çox vaxt ayırmaq və zülallı qida qəbul etmək gələcəkdə ömrünüzü steroidlərin təsirindən müalicə olunmağa sərf etməkdən daha yaxşı olar? Hər bir orqanizm fərdidir, buna görə də hər bir insanda yan təsirlər özünü fərqli şəkildə təzahür etdirə bilərlər. Steroidləri qəbul etməzdən əvvəl bu faktı nəzərə alın.
Bəs sizcə bu bütün bunlar olan yerdə bu fəaliyyət növü idman ola bilərmi?!
Vüsal Abdullazadə, Dünya Fudokan Federasiyasının
Azərbaycan Respublikası üzrə nümayəndəsi
Xəbərdən istifadə edərkən istinad etmək vacibdir.
