Sumqayıtda Şuşaya hərs olunmuş xatirə tədbiri keçirilib

Hüseyn Ərəblinski adına Sumqayıt Dövlət Musiqili Dram Teatrında hər il təşkil olunan Şuşaya həsr olunmuş xatirə tədbiri keçirildi. Tədbirdə Sumqayıt və Şuşa şəhər rəhbərliyi, bir sıra məmur, deputat, ictimaiyyət nümayəndələri - Sumqayıt Şəhər İcra Hakimiyyətinin başçısı Eldar Əzizov, "Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyi idarə heyətinin sədri, Şuşa Rayon İcra Hakimiyyətinin başçısı Bayram Səfərov, Qubadlı Rayon İcra Hakimiyyətinin başçısı Malik İsaqov, Milli Məclisin deputatları Muxtar Babayev, Elman Məmmədov və başqaları, həmçinin şəhər sakinləri iştirak etdilər.
Tədbirdə ölkə prezidenti İlham Əliyevin rəhbərliyi ilə Azərbaycanın dövlət müstəqilliyinin möhkəmləndirilməsi və ərazi bütövlüyünün bərpası istiqamətində həyata keçirilən ardıcıl siyasətdən bəhs olundu, işğal olunmuş torpaqlarımızın tezliklə azad ediləcəyi diqqətə çatdırıldı.
Faciənin dəhşətlərini, erməni qəsbkarlarının vəhşiliklərini əks etdirən "Şuşa həsrəti” adlı maraqlı ədəbi bədii-kompozisiya tamaşaçıların alqışlarına səbəb oldu.

Xeberle.com