Sumqayıt şəhəri, 20-ci məhəllənin sakinləri yol problemləri ilə bağlı şikayətlərinə cavab almadıqlarından gileylənirlər. Qəsəbə sakinləri Xeberle.com-a şikayətlərini ünvanlayıb.
Şəhərin mərkəzindəki bu məhəllədə yollar həqiqətən də acınacaqlı vəziyyətdədir. Daha dəqiq desək, hamının "Dejurnu mağaza " kimi tanıdığı binanın və onun yanındakı binaların olduğu məhəllədən bəhs edirik. Sakinlərin sözlərinə görə, qonşu məhəllələr olan 21, 19, 9 və 5-ci məhəllələrdə çox yüksək səviyyədə məhəllə içi asfalt olduğu halda, 20-ci məhəllənin yolları illərdir bərbad vəziyyətdədir.
Ərazidə yaşayanlar bildirir ki, yağış yağanda çox iri çalalar yaranır. Nəticədə nə piyadalar, nə də avtomobillər ərazidən keçə bilmir. Sakinlər dəfələrlə aidiyyatı qurumlara müraciət edib. Buna baxmayaraq, heç bir tədbir görülməyib.
Sakinlər onu da qeyd edir ki, aidiyyatı qurumlar uzun illərdir ki, məhəllədəki binaların söküləcəyini bildirirlər. Lakin, nə məhəllə sökülür, nə də məhəllənin asfalt örtüyü yenilənir.
Qeyd: Mövzunu davam etdirəcəyik.
Elşən Yəhyayev
Xəbərdən istifadə edərkən istinad etmək vacibdir.
