Dövlət Şəhərsalma və Arxitektura Komitəsi (DŞAK) tərəfindən Bakı və Sumqayıt şəhərləri, Abşeron rayonlarının icra hakimiyyətlərinə icrası məcburi olan əsaslandırılmış göstəriş ünvanlanıb.
Komitənin Şəhərsalma nəzarəti şöbəsinin müdir müavini Əli İbrahimov bildirib ki, həmin göstərişə əsasən, binaların yol verilən hündürlük həddi və mərtəbələrin sayı, ərazinin tikinti və tikinti sıxlığı əmsalına dair şəhərsalma normalarını pozmuş aşağıda göstərilən inşasına yeni başlanmış tikintilər üzrə tədbir görülməsi və bu barədə Komitənin məlumatlandırılması tapşırılıb.
Eyni zamanda həmin tikintiləri layihələndirən layihəndirmə təşkilatlarına xəbərdarlıq edilib ki, şəhərsalma normalarının pozulması üzrə analoji xətaların təkrarlandığı təqdirdə layihələndirmə işlərinə dair lisenziyaları dayandırılacaq.(modern.az)
Sumqayıtda olan həmin binaları oxucularımıza təqdim edirik:
1. 6-cı mikrorayon, 25-27 saylı yaşayış binalarının qarşısında 7 bloklu 14 mərtəbəli yaşayiş binası ("Yusif-2014" MTK, "Kon-Lay Projekt" MMC)
2. 16-cı mikrorayonda, İ.Qayıbov küçəsində 2 bloklu, 16 mərtəbəli yaşayış binası ("Bakı-XXI BM" MTK", Ayan-A" MTK)
3. 18- mikrorayon, Niyazi küçəsində, 2 bloklu 16 mərtəbəli yaşayış binası ("NEW SİTY" MTK, "Memar-F.R." MMC)
4. Səməd Vurğun (H.Salayev) küçəsində, 1 bloklu 2 ədəd 12 mərtəbəli yaşayış binaları ("Polad-2008" MTK, "Arxin-M LTD" MMC)
5. Səməd Vurğun (H.Salayev) küçəsində, 5 ədəd 12 mərtəbəli (+ texniki mərtəbə) yaşayış binaları, ("Kristal Abşeron" MTK, "Ayan-A Yaradıcılıq-İstehsalat" MTK)

Xeberle.com