"Qastroskopiya- həzm sisteminin üst hissəsinin (qida borusu, mədə, onikibarmaq bağırsaq) ucunda kiçik bir kamera olan boru vasitəsilə görüntülənməsi yöntəmidir”.
Bunu Xeberle.com-a açıqlamasında "Doktor.az" klinikasının həkim-qastroenteroloqu Elnur Osmanov deyib. O qeyd edib ki, qastroskopiya bulantı, qusma, qarın ağrısı, udqunmada çətinlik çəkmək, udqunarkən ağrı hissi, mədə-bağırsaqda qanaxma şübhəsi, anemiya, iltihab, infeksiyon prosesler, ishal və həzm sistemi xərçəngləri və с simptomların səbəblərini araşdırmaq üçün istifadə edilir.
Həkim onu da bildirib ki, qastroskopiya zamanı şübhəli bölgələrdən biopsi alınaraq (örnək parça) xəstəliyin dəqiq diaqnozunu qoymaq mümkündür.
Xəbərdən istifadə edərkən istinad etmək vacibdir.
