Bu gündən Azərbaycan hava Yolları (AZAL) həftədə iki dəfə Berlinə birbaşa uçuşlar həyata keçirəcək. Bu barədə Almaniyanın Bakıdakı səfirliyi məlumat yayıb. Səfirlikdən bildirilib ki, bu gün səhər həyata keçirilən birinci uçuş zamanı Azərbaycan xarici işlər nazirinin müavini Hafiz Paşayev və İqtisadi Əməkdaşlıq və İnkişaf Nazirliyində parlamentar dövlət katibi Hans-Yoaxim Fuxtel təyyarədə qarşılaşıb.
Qeyd edək ki, AZAL bir müddətdir müştərilərinə xüsusi aksiyalar və yeniliklər təqdim edir. Şirkət son olaraq "Azərbaycan Hava Yolları" Bakı- Aktau-Bakı istiqamətində, Bakı-İstanbul/İstanbul (Sabiha Gökçen)-Bakı istiqamətində güzəştli kampaniyalar keçirib. Bununla yanaşı, "Azərbaycan Hava Yolları"Barselona, Lvov, Berlin, Paris, Roma, Milan, Praqa, Bişkek, Minsk, Tel-Əviv və Dubay istiqamətindəki uçuşlarında ("ora və geriyə") xüsusi 20% güzəşt aksiyasının keçirilməsinə də başlayıb. (anspress.com)
Xəbərdən istifadə edərkən istinad etmək vacibdir.
