"Bədənin əsas yükünü daşıyan orqanlardan biri ürəkdir, diqqət edilmədiyində bir çox problemlərə rast gəlinir. Onlardan biri ürək damarlarında yaranan tıxanıqlıqdır”
Bunu Xeberle.com-a açıqlamasında Doktor.az klinikasının kardioloqu Səadət Məmmədova bildirib. O qeyd edib ki, damarlarda olan tıxanıqlıq hər yaşda özünü büruzə verə bilər:
"50 yaşdan yuxarı, diabet xəstələrində, yüksək təzyiq və xolesterindən əziyyət çəkən insanlarda olma ehtimalı daha çoxdur. Bu tıxanıqlıq yarananda ürək öz vəzifəsinin öhdəsindən tam gələ bilmir. Bu problemin qarşısını almaq üçün daralmış damarlara stent qoyulur. Stent dəmir bir qəfəs şəklində olub, tıxanmış damarların açılmasına, damarın açıq qalmasına və qan dövranının yaxşılaşmasına səbəb olur.
Stentin iki növü var:
- Dərmansız stentlər
- Dərmanlı stentlər
Kardioloqun sözlərinə görə, hər 10 xəstənin 2-sində stentin olduğu nahiyədə yenidən daralmalar müşahidə olunur: "Bu məqsədlə dərmanlı stentlərdən istifadə edilir. Damar tıxanıqlığını vaxtında müəyyən etmək üçün həkim müayinəsi vacibdir”.
Xəbərdən istifadə edərkən istinad etmək vacibdir.
