Avropa Oyunları ilə əlaqədar Azərbaycanda ilk dəfə "Şokolad möcüzələri” adlı sərgi keçiriləcək.
Sərgi bu ayın ortalarından etibarən Muzey Mərkəzində baş tutacaq. Turistlərin və eləcə də paytaxt sakinlərinin marağına bu sərgidəki ekspozisiyaların şokoladdan hazırlanması səbəb olacaq. Bu açıqlamanı ANS-ə müsahibəsində eksklüziv olaraq Mədəniyyət və Turizm Nazirliyinin ictimaiyyətlə əlaqələr şöbəsinin müdiri Vüqar Şıxməmmədov deyib.
Sərgidə Şokoladdan Avropa oyunlarının loqosu hazırlanacaq.
Vüqar Şıxməmmədov bildirib ki, dünyanın bir çox ölkələrində keçirilən bu sərgiyə maraq çoxdur. Bakıya aid yeni və tarixi ekspozisiyalara şokoladdan hazırlanacaq. Ekspozisiyalar 200 kilodan artıq şokoladdan hazırlanacaq. Bu tip sərgi bir neçə muzeylərdə təşkil olunacaq. (anspress.com)