Bu gün Beynəlxalq Muğam Mərkəzində 19 may 1999-cu ildə Sumqayıt şəhərində dünyaya göz açan, əslən Ağdamın Qasımbəyli kəndindən olan və İkinci Vətən Müharibəsində qəhrəmanlıqla vuruşaraq 29 oktyabr 2020-ci ildə şəhidlik zirvəsinə ucalan, ölümündən sonra "Xocavəndin azad olunmasna görə", "Vətən uğrunda" və "Cəsur döyüşçü" medalları ilə təltif edilən kəşfiyyatçı-leytenant Vüsal Cəsarət oğlu Muradovun xatirə gecəsi keçirildi.
Dövlət himni ilə başlayan tədbirdə Vətən yolunda canından keçən şəhidlərimiz bir dəqiqəlik sükutla yad edildi. Şərəfli ömür yolu keçən şəhid Vüsal Muradov haqqında hazırlanmış sənədli film göstərildi. Dəvət olunanlar arasında Aqdam Rayon İcra Hakimiyyətinin nümayəndələri, millət vəkilləri, ziyalılar və şəhid ailələri, qazilər, səhidin döyüş yoldaşları və yaxınları, həmçinin təhsil aldığı Heydər Əliyev adına Azərbaycan Ali Hərbi Məktəbin nümayəndələri də var idi. Aqdam Rayon İcra Hakimiyyətinin başçısı Vaqif Həsənov, millət vəkili Müşfiq Məmmədli və başqaları çıxış edərək şəhidlərin nümunəvi həyat yolunun şərəfli və mənalı olduğunu qeyd etdilər, dövlətin diqqət və qayğısindan danışdılar. Rəngarəng proqramdaki musiqi və poeziya çələngindən nümunələr iştirakçıları öz təsiri altına alaraq könülləri oxşadı. Xatirə gecəsində şəhidin anası Kəmalə xanım və atası Cəsarət Muradov çıxış edərək Vüsal haqqında kövrək xatirələrdən danışdılar və tədbirin təşkilatçısı AYB-nin üzvü, Prezident mükafatcisi , şair Qabil Ədalətə dərin təşəkkür etdilər. Sonda şəhidin adına təsis olunan "Vüsal" mükafatı Kəmalə anaya təqdim edildi. Çəkilən şəkillər xatirə gecəsindən yadigar qaldı.
RƏNA TƏBƏSSÜM
Xəbərdən istifadə edərkən istinad etmək vacibdir.
