Gənclərin İnkişaf və Karyera Mərkəzi tərəfindənSumqayıt
Dövlət Universitetində maliyyə və iqtisadiyyat sahəsi üzrə təhsil alan,
karyerasını bu istiqamətdə qurmaq istəyən tələbələr üçün "CareerLAB"
şəbəkəsi üzrə panel müzakirəsi keçirilib.
Layihənin rəsmi hissəsində SDU-nun Sosial məsələlər
və ictimaiyyətlə əlaqələr üzrə prorektoru dosent Elmar Xəlilov çıxış edərək,bu
cür layihələrin həyata keçirilməsinin tələbələrin gələcək karyera planlaması və
düzgün peşə seçimində önəmli rolundan danışıb. Bildirib ki, müasir dövrdə cəmiyyətin
gələcək inkişafı baxımından gəncliyin rolu daha aktuallaşıb.Hazırda gənclərin
inkişafı, ideyalarını reallaşdırmaları üçün bir çox dövlət qurumları, gənclərlə
işləyən müəssisələr və gənclər təşkilatları tərəfindən müxtəlif imkanlar
yaradılır. Bunun nəticəsi olaraq minlərlə gənc öz ideyasını reallaşdırmaq şansı
əldə edir.
Panel müzakirəsinin moderatorluğunu edən GİKM-in Abşeron-Xızı
regional nümayəndəliyinin koordinatoru Sevinc Qasımova çıxış edərək, "CareerLAB”
şəbəkəsi haqqında məlumat verib. Bildirib ki, Azərbaycan Tələbə Gənclər Təşkilatları
İttifaqı və üzv təşkilatları, həmçinin ali təhsil müəssisələrinin karyera mərkəzləri
"CareerLAB” şəbəkəsinin tərəfdaşlarıdır. Layihənin məqsədi gənclərin təhsil
aldıqları ixtisas barədə məlumatlılığının artırılması, gənclərin karyera
planlamasına dəstək göstərilməsi və onların şəbəkələşməsini təmin etməkdir.
Daha sonra panel
müzakirələr başlayıb. Moderatorlar – "Humel” Psixologiya Mərkəzinin rəhbəriTaryel
Faziloğlu "İdarəetmə psixologiyası və
effektiv davranış metodları”,Sumqayıt Olimpiya İdman Kompleksinin direktoru,
beynəlxalq qrossmeyster, milli komandanın uzun illər kapitanıZeynəb Məmmədyarova
"Komandanın idarə olunması və motivasiyanın qorunması üçün praktik nümunələr”, "Brain
Design” şirkətinin qurucusu, karyera kouçu və sahibkar Orxan Mahmudov "Karyera quruculuğu
və idarəolunmasında xüsusi məqamlar, yol xəritəsi”, Bakı Mühəndislik
Universitetində şöbə müdiri, təlimçiSevil Novruzqızı "Qadın liderliyi” və "Dünya
təcrübəsində effektiv idarəçilik metodları” mövzularında çıxış ediblər. Sondaauditoriyanın
sualları cavablandırılıb.
Xəbərdən istifadə edərkən istinad etmək vacibdir.
