"Bu qanuna ona görə bioloji qohumluluq anlayışını gətiririk ki, övladlığa götürülən şəxsə qadağalar şamil olunmur”.
Xeberle.com məlumat verir ki, bunu parlamentin Ailə, qadın və uşaq məsələləri komitəsinin iclasında Milli Məclis Aparatının Sosial qanunvericilik şöbəsinin müdiri Adil Vəliyev Ailə Məcəlləsində dəyişikliyin müzakirəsi zamanı deyib.
"Belə ki, övladlığa götürülən şəxs əmisi , dayısı və xalası qızı ilə rahatlıqla evlənə bilər. Digər maddədə isə şəxsin öz bioloji qohumluğu olan xalası, dayısı, əmisi ilə evlənməsi qadağa olunur. Zatən bu mentalitetimizdə hər zaman tənzimlənib. Lakin yenə də eyni qaydada övladlığa götürülən şəxs nəzəri baxımından sadalanan şəxslərlə ailə həyatı qura bilər. Bu şəxslərə qanun qadağa qoymur”, - deyə şöbə müdiri vurğulayıb.
Xəbərdən istifadə edərkən istinad etmək vacibdir.
