Sumqayıt şəhərində Aliminium zavod-Corat qəsəbəsi marşrutu üzrə hərəkət edən 4 nömrəli avtobusun fəaliyyətiylə bağlı izləyicilər tərəfindən Xeberle.com-a çoxsaylı müraciətlər daxil olub. Sakinlər bildirir ki, sözügedən maşrut xəttinin iş qrafikində pərakəndəlik, özbaşınalıq hökm sürür.
Ümumiyyətlə Sumqayıtda neçə 4 nömrə fəaliyyət göstərir? İntervalı nə qədər olur? 4 nömrə axşam saat neçəyə kimi işləyir?
Sualımızı Azərbaycan Yerüstü Nəqliyyat Agentliyinə (AYNA) ünavanladıq. Qurumun mətbuat katibi Tural Orucov Xeberle.com-un sorğusuna cavab olaraq bildirib ki, 4 nömrəli maşrutun nizamlı fəaliyyətinin təmin edilməsi barədə tapşırıq verilib: "Sumqayıt şəhərinin Alüminium zavodunu Corat qəsəbəsi ilə əlaqələndirən 4 nömrəli marşrut xəttində gün ərzində 4 avtobus 18-20 dəqiqəlik intervalla sərnişinlərə xidmət göstərir. Daşıyıcıya xətt üzrə avtobus sayının artırılması və marşrutun nizamlı fəaliyyətinin təmin edilməsi barədə tapşırıq verilib”.
Elşən Yəhyayev
Xəbərdən istifadə edərkən istinad etmək vacibdir.
