Gənc ictimai fəal, bir çox intellektual yarışların iştirakçısı, qalibi və təşkilatçısı Aydın Kərimlinin təşəbbüsü ilə kitab toplama aksiyasına start verilib.
Kitab toplama aksiyası "HedaCore” İOK-un təşkilatçılığı, Gənclərin İnkişaf və Karyera Mərkəzinin dəstəyilə həyata keçirilir.
Gənc intellektual Aydın Kərimlinin Tribunainfo.az-a bildirdiyinə görə könüllülük əsasında həyata keçirilən layihə çərçivəsində toplanan kitablar Şabran rayounun ucqar kəndlərində kitaba əlçatanlığı olmayan şəxslərə hədiyyə ediləcək:
"İstifadə etmədiyiniz bədii, yaxud son nəşr olan test kitablarınız varsa, onları ehtiyacı olan insanlara çatdırmaq üçün bu layihəyə start verdik. Elə isə siz də bu aksiyanın bir parçası olmaq istəyirsinizsə, kitablarınızı bizim toplama qutularımıza qoymağa tələsin!
Ünvan: Sumqayıt şəhəri, 13-cü mikrorayon, Kibrit Kitab Klubu (Yeni ünvan: "Everest” gül salonunun yanı)
Əgər, Bakıdan və ya digər bölgələrdən dəstək olmaq istəyirsinizsə, yaxud hər hansı sualınız olarsa, 070-819-18-73 mobil nömrəsi ilə əlaqə saxlaya bilərsiniz.
Aksiyamıza fəal dəstək olanlar haqda məlumat veriləcək.
Son tarix: 22.07.2024
Paylanılma tarixi: 23.07.2024
Vaxtımızın az olmağına baxmayaraq, biz inanırıq ki, yetəri qədər kitab toplaya biləcəyik!
Qeyd edim ki, keçiriləcək aksiyadan əvvəl, iyulun 23-ü Şabran rayon, Heydər Əliyev Mərkəzində 14-29 yaşlı gənclər arasında intellektual oyun təşkil olunacaq”. (tribunainfo.az)
Xəbərdən istifadə edərkən istinad etmək vacibdir.
