"Gənclərin hərbi-vətənpərvərlik tərbiyəsinin artırılmasına dəstək” layihəsi çərçivəsində ilk tədbir keçirilib.
Tədbir Sumqayıt şəhərində 4 nömrəli tam orta məktəbdə baş tutub.
Tədbiri
giriş sözü ilə layihə rəhbəri Rauf Fərzəliyev açıb. R. Fərzəliyev
layihənin donoru olan Gənclər Fondu və onun yaranmasından, bu gün
respublikada prezident İlham Əliyevin yürütdüyü gənclər siyasətindən və
həyata keçirilən layihənin məqsədindən danışıb.
Layihə
rəhbəri layihənin ilk tədbirinin Ümummilli lider Heydər Əliyevin anadan
olmasının 92-ci ildönümündən dərhal sonra keçirilməsindən danışaraq,
Heydər Əliyev Fondu, Heydər Əliyev Mərkəzi və onların fəaliyyətindən söz
açıb.
Sonra məktəbin təlim-tərbiyə işləri üzrə
direktor mavini Xəyalə Abbasova çıxış edib. X. Abbasova məktəblərində
məhz bu mövzuda layihə çərçivəsində tədbirin keçirilməsindən çox məmnun
olduğunu qeyd edib. Direktor müavini tədbirdə iştirak edən şagirdləri
Sumqayıt şəhərində 9 may faşizm üzərində qələbənin 70 illik yubileyi
münasibətilə keçirilən paradda 1-ci yeri tutmaları münasibətilə də
təbrik edib.
Sonra söz ekspert Anar Həsənliyə
verilib. A. Həsənli sözügedən layihənin həyata keçirildiyi tarixi xüsusi
olaraq vurğulayıb. Layihənin ilk tədbirinin Şuşanın erməni
separatçıları tərəfindən işğal olunduğu gün, Qələbənin 70 illik
yubileyinin qeyd olunduğu gün və Ulu öndər Heydər Əliyevin
doğum günündən sonra həyata keçirilməsinin təsadüf olmadığını deyib, bu
günlərin birbaşa vətənpərvərliklə sıx bağlı olduğunu qeyd edib.
Natiq
Ümummilli lider Heydər Əliyevin Azərbaycanın siyasi-iqtisadi inkişafı,
dünyada güclü dövlət kimi tanıdılması istiqamətində apardığı siyasətdən,
bu yolda əldə etdiyi uğurlu nəticələrdən və bu gün bu siyasi kursun
prezident İlham Əliyev tərəfindən layiqlə davam etdirilməsindən
danışıb.
Sonra A. Həsənli Azərbaycan
ordusundan danışıb. Ekspert Azərbaycan ordusunun bugünkü inkişafından,
orduya ayrılan diqqət və qayğıdan, Azərbaycan ordusunun işğal altında
olan torpaqların geri qaytarmağa malik qüdrətli ordu olmasından bəhs
edib.
Azərbaycan Respublikasının Prezidenti
yanında Gənclər Fondunun maliyyə dəstəyilə Rauf Fərzəliyev tərəfindən
icra olunan layihə çərçivəsində təşkil olunmuş tədbir şagirdlər
tərəfindən böyük maraqla qarşılanıb.
Sonda şagirdlərə layihə çərçivəsində hazırlanan bukletlər paylanılıb və xatirə şəkilləri çəkdirilib. (qhtxeber.az)
Xəbərdən istifadə edərkən istinad etmək vacibdir.
