125 saylı Zəngilan-Qubadlı seçki dairəsindən deputatlığa namizəd Nigar Ələsgərovanın Sumqayıt şəhərində yerləşən Zəngilan rayon 15 nömrəli tam orta məktəbinin qarşısında seçicilərlə açıq havada görüşü olub.
Xeberle.com xəbər verir ki, görüşdə Zəngilan və Qubadlı rayonlarından olan və həmin ərazidə müvəqqəti məskunlaşan seçicilər iştirak edib.
İkinci Qarabağ savaşının şəhidi, mayor Rüfət Əsgərovun atası Mürvət Əsgərov, antiterror əməliyyatları zamanı şəhid olan Zamin Abbasovun anası Sevda Abbasova da deputatlığa namizədin görüşünə qatılıb.
N. Əsgərova çıxış edərək platforması haqqında geniş məlumat verib. Seçiləcəyi təqdirdə dövlətlə seçicilər arasında etibarlı körpü olacağını, onları narahat edən məsələləri diqqətdə saxlayacağını vurğulayıb.
Xəbərdən istifadə edərkən istinad etmək vacibdir.
