"Bu gün Milli Məclisin kollektivi və deputat həmkarlarımla 27 sentyabr - Anım Günü münasibətilə Bakıda inşası davam etdirilən Zəfər parkını ziyarət etdik."
Xeberle.com xəbər verir ki, bu barədə 45 saylı Sumqayıt dördüncü seçki dairəsinin deputatı Səbinə Salmanova feysbuk sosial şəbəkə hesabında paylaşım edib. S. Salmanova qeyd edib ki, eyni zamanda Sumqayıt şəhər İcra Hakimiyyətinin başçısı Zakir Fərəcov, deputat həmkarları, digər rəsmi şəxslər, şəhid ailələri, qazilər və şəhər ictimaiyyətinin nümayəndələri ilə birlikdə Anım Günü ilə bağlı Şəhidlər xiyabanında keçirilən tədbirə qatılıb: "
Anım tədbirlərində Vətənimizin ərazi bütövlüyü və suverenliyi uğrunda canlarından keçmiş şəhidlərimizi dərin ehtiramla andıq.
Allah şəhidlərimizə rəhmət eləsin!"
Xəbərdən istifadə edərkən istinad etmək vacibdir.
