Milli Məclisin deputatı Səbinə Salmanova 5 Oktyabr - Beynəlxalq Müəllimlər Günü münasibətilə təhsil aldığı Sumqayıt şəhər 1 nömrəli tam orta məktəbdə olub.
Deputat əvvəlcə məktəbdə yaradılmış təhsil şəraiti, təhsilin idarəedilməsi və tərbiyəvi işlərin aparılması ilə bağlı görülən işlərlə tanış olub.
Daha sonra Səbinə Salmanova məktəbin müəllim və şagird heyəti ilə görüşüb. Müəllimləri peşə bayramı münasibətilə təbrik edən millət vəkili ölkəmizdə təhsilə göstərilən qayğıdan, bu sahədə görülmüş işlərdən danışıb.
Səbinə Salmanova Azərbaycan Respublikasının Prezidenti cənab İlham Əliyevin və Birinci vitse-prezident Mehriban xanım Əliyevanın təhsil işçilərinə göstərdiyi diqqət və qağısından bəhs edib.
Sonda deputat Səbinə Salmanova müəllim və şagirdlərin ona ünvanladıqları sualları cavablandırıb.
Xəbərdən istifadə edərkən istinad etmək vacibdir.
