Mərkəzi Seçki Komissiyasının sədri Məzahir Pənahov bələdiyyə seçkilərinin ilkin nəticələri ilə bağlı keçirdiyi mətbuat konfransında lider namizədlərin sayının 7791 nəfər olduğunu vurğulayıb.

Belə ki, Sumqayıt bələdiyyəsinin lider namizədləri sırasında Adil Xudatov səs hesabı ilə birincidir. O, hazırda Sumqayıt Şəhər İcra Hakimiyyətinin Tikinti və memarlıq şöbəsinin müdiri vəzifəsində çalışır.

Hazırda şəhər bələdiyyəsinin rəhbərliyində təmsil olunan Nərmin Mehdiyeva və Orxan Adıgözəlzadə isə siyahıda müvafiq olaraq 2-ci və 3-cü yerlərdə qərarlaşıblar.

Qeyd edək ki, müvafiq qanunvericiliyə əsasən bələdiyyə sədri yeni seçilmiş bələdiyyənin birinci iclasında bələdiyyə üzvləri sırasından açıq və ya gizli səsvermə yolu ilə seçilir. Bələdiyyənin sədri bələdiyyə üzvlərinin yarısından çoxunun səsini topladıqda seçilmiş hesab olunur. Ehtiyac olduqda bələdiyyə bələdiyyə sədrinin müavinlərini seçir. Bələdiyyə sədrinin müavinləri bələdiyyə üzvləri sırasından açıq və ya gizli səsvermə yolu ilə seçilir. Bələdiyyə sədrinin müavinləri bələdiyyə üzvlərinin yarıdan çoxunun səsini topladıqda seçilmiş hesab olunur.

Təhlillərimizə əsasən ehtimal edirik ki, A.Xudadatov sədr, N.Mehdiyeva və O.Adıgözəlzadə isə müavinlər seçiləcək.