Sumqayıt şəhər İcra hakimiyyəti və Gənclər və İdman Baş İdarəsinin birgə təşkilatçılığı ilə Heydər Əliyev Mərkəzində 28 May – Respublika Gününə həsr edilmiş disput keçirilib. İdarədən Xeberle.com-a verilən məlumata görə, tədbiri giriş sözü ilə açan şəhər İcra hakimiyyəti başçısının müavini Elgin Həbibullayev Xalq Cümhuriyyəti zamanı baş vermiş tarixi proseslərdən bəhs edib, Azərbaycanda tarixində əhəmiyyət kəsb etmiş hadisələr haqqında tədbirlərin keçirilməsinin gənclərin vətənpərlik və vətəndaşlıq tərbiyəsində mühüm amil olduğunu nəzərə çatdırıb.
Gənclər və İdman Baş İdarəsinin rəisi Elşən Baxşəliyevin, Sumqayıt Heydər Əliyev Mərkəzinin direktoru Aygün Zülfüqarlının, Yeni Azərbaycan Partiyası şəhər təşkilatı İdarə Heyətinin üzvü Ceyhun Məmmədovun, Sumqayıt Dövlət Universitetinin tələbələri Arzu Nəbizadənin, Həzrət Abasovun, ictimai fəal gənc İman Ağayevin çıxışlarında Xalq Cümhuriyyətinin mövcud olduğu dövrdə baş vermiş hadisələrdən danışılıb, ümummilli lider Heydər Əliyevin əsasını qoyduğu Azərbaycan Respublikasının yaradılmasının tarixi əhəmiyyəti, bu gün müstəqil dövlətimizin xalqımızın mənafelərini ən yüksək səviyyədə təmsil etdiyi, sözün əsl mənasında yüksək beynəlxalq imici olan müstəqil dövlətin mövcudluğu vurğulanıb.
Xeberle.com