"Ayna" - "Zerkalo" qəzetlərinin təsisçisi və baş redaktoru, Azərbaycan Yazıçılar İttifaqının üzvü, Azərbaycan Jurnalistlər Birliyinin sədri Elçin Şıxlı xəbərlə.com-a  son zamanlar Mədəniyyət və Turizm nazirliyi eləcə də Akademik Milli Dram Teatrının direktoru İsrafil İsrafilov tərəfindən Tanınmış rejissor Rövşən Almuradlıya qarşı edilən haqsızlıqlara öz münasibətini bildirib.O bu haqsızlıqları əssasız və qeyri obyektiv hesab etdiyini söyləyib.

 "Rövşən Almuradlı bugün Azərbaycanda nadir tapıntı hesab edilən və öz işinin peşəkarı olan rejissorlardandır. Elə təkcə “Yaşlı xanımın gəlişi” əsərini demək kifayətdir ki, onun nə qədər istedadlı bir rejissor olduğu bilinsin. O cümlədən “Cavad xan” filmi uğurlu layihələrindən biridir. Bu film dünya miqyasına çıxarıla biləcək filmlərdəndir. Onun səhnələşdirdiyi “Ölüləri qəbiristanlıqda basdırın” əsəri 2007-ci ildə səhnədən uzaqlaşdırıldı. Ona qarşı atılan bu haqsız addımlar tamamilə yersizdir. O sözün əsl mənasında bu sahədə bişmiş adamlardandır. Rövşən Bəy böyük məktəb keçib və ona indiki dövrdə maksimum şərait yaradılmalıdır ki, o da yeni yetişən gənc rejissorlara bunları öyrədə bilsin.

 Daha əsassız və yersiz bəhanələrlə onun qarşısını kəsmək və işləməsinə mane olmaq olmaz.Teatrın rəhbərliyi onun zəngin təcrübəsindən və peşəkarlığından faydalanmalıdır. Bu cür peşəkarların qədrini bilmək lazımdır çünki onların sayı yetəri qədər azdır və onlara sağlığında qiymət vermək lazımdır. Təəssüf ki, bəzi təzə çinovniklər Rövşən bəy kimi sözün düzünü deməkdən çəkinməyən adamın qarşısısını kəsmək istəyir.Həmin çinovniklər özləri kimi korrupsiyaya bulaşmış insanları qabağa çəkmək və onların qabağa getməsinə şərait yaratmaq istəyirlər.Təbii ki belə adamların Rövşən bəy kimi insanı sevməməsi normal haldı.Çünki Rövşən bəy sözün düzünü deməkdən çəkinmir və onların çirkin əməllərinə şərik olmur, yaltaqlıq etmir. Ümumiyyətlə incəsənət ilə siyasət bir birinə qarışdırılmamalıdır.

 Rövşən bəyin siyasi fikirləri başqa cür ola bilər amma bu ona qarşı edilən haqsızlıqlara bəraət qazandırmır.Mənim fikrimcə ona edilən bu haqsızlıqlar dərhal dayandırılmalı və ona imkan yaradılmalıdır ki, gənc rejissorlar ondan bəhrələnə bilsin."

Həcər