"Bakı-Xırdalan-Sumqayıt sərnişin sahəsində dəmir yolunun əsaslı təmiri davam edir. Plana əsasən, 63 km yol təmir olunmalıdır. Bunun 50 km-ə yaxın hissəsi təmir olunub”.
Bunu açıqlamasında "Azərbaycan Dəmir Yolları" QSC-nin mətbuat xidmətinin rəhbəri Nadir Əzməmmədov bildirib.
O, bildirib ki, yolun qalan hissəsi isə təxminən Bakıda keçirilən 1-ci Avropa Oyunlarından sonra sərnişinlərin istifadəsinə veriləcək.
"Qatarların işə düşməsi zamanı ara məsafəsi nə qədər olar olacaq” sualımıza cavabında N.Əzimov bildirdi ki, hal-hazırda Sərnişindaşıma Departamenti cədvəl üzərində işləyir.
N.Əzimov onu da bildirdi ki, hələ ki, xəttə iki qatar buraxılacaq.
"Sumqayıtdan Bakıya gələn qatar Bakı sərnişin stansiyasında dayanacaq və elə buradan da sərnişinləri götürüb geriyə qayıdacaq” – müsahibimiz vurğulayıb.
Xatırladaq ki, Bakı-Xırdalan-Sumqayıt sərnişin sahəsində 63 km uzunluğunda dəmir yolunun əsaslı təmir işlərinə 3 mart 2015-ci ildə start verilib və bu günə kimi 50 km yol əsaslı təmir olunub. Əsaslı təmir işlərini İnfrastruktur Departamentinin iştirakı ilə "Dəmiryolservis” MMC-nin müəssisələri həyata keçirir. Sumqayıt baş stansiyasına daxil olmadan Sumqayıt stansiyasına hərəkət etmək üçün 1,65 km uzunluğunda yeni birləşdirici yolun tikintisi də nəzərdə tutulur. Əsaslı təmir işləri başa çatdıqdan sonradan elektrik qatarlarının Bakı sərnişin stansiyasından Sumqayıt sərnişin stansiyasına qədər getməsinə 40 dəqiqə vaxt sərf olunacaq. (interaztv.com)
Xəbərdən istifadə edərkən istinad etmək vacibdir.
