Oyunların açılış və bağlanış günlərində saat 16:00-dan gecə saat 2-ə dək Heydər Əliyev prospektində nəqliyyatın hərəkəti məhdudlaşdırılacaq.

20 yanvar, Azadlıq prospekti, Gənclik, Xalqlar dostluğu, Qara Qarayev və Elmlər Akademiyası metrostansiyaları yaxınlığında Olimpiya stadionuna gedəcək ekspres avtobuslar fəaliyyət göstərəcək. 16 yaşı tamam olmayan şəxslər, böyüklərin müşayəti olmadan avtobuslara buraxılmayacaq. Koroğlu metrostansiyasında stadiona  hərəkət istiqamətində məlumatverici nişanlar olacaq, metrodan pulsuz istifadə üçün tamaşaçı biletini və ya biletin alınmasını təstiq edən sənədi şəxsiyyət vəsiqəsi ilə birgə təqdim etməlidir. Şəxsi avtomobillərə gəlincə, Olimpiya stadionuna şəxsi avtomobillərin girişi qadağandır, lakin tamaşaçılar avtomobillərini Mərkəzi Park və Gənclik Parkında yerləşən 24 saatı - 1 manat olmaq şərtilə yeraltı dayanacaqda saxlaya bilərlər.

Ekspres avtobusların hərəkət cədvəli haqda əlavə məlumatı "Baku-2015" internet səhifəsindən və 2015 məlumat mərkəzinə zəng edərək əldə etmək olar. Açılış mərasimi bitdikdən sonra biletlərin sektorundan asılı olaraq, xüsusi personal tamaşaçıları daha yaxın olduğu nəqliyyat vasitəsi məntəqəsinə yönləndirəcək. Ekspres avtobuslar və metro bütün tamaşaçılar stadion ərazisini tərk edənə kimi işləyəcək.   (atv.az)