Namiq Həsənov: "Qanunsuz taksi fəaliyyətinə icazə verilməyəcək" "Ölkəyə gətirilən yeni taksilər ilk olaraq Avropa Oyunları zamanı rəsmi qonaqların və idmançıların istifadəsinə veriləcək" Ölkəmizdə Birinci Avropa Oyunlarının yüksək səviyyədə keçirilməsi üçün müvafiq hazırlıq işləri artıq yekunlaşmaq üzrədir. Mübaliğəsiz olaraq deyə bilərik ki, Azərbaycan Bakı-2015 İlk Avropa Oyunlarına tam hazırdır. Nəqliyyat sahəsi də idman yarışının yüksək səviyyədə keçirilməsi üçün lazım olan işləri həyata keçirib. Şəhərdə nəqliyyat sıxlığının yaşanmaması üçün rayon qeydiyyatı olan avtomobillərin paytaxt ərazisinə buraxılması qadağan olundu. Həmin avtomobillər Bakının girəcəyində xüsusi dayanacaqda saxlanır və avtomobil sahibləri xüsusi avtomobillə Bakıya gəlib öz işlərini rahat şəkildə görə bilər. Eyni zamanda, sərnişin avtobusları sahəsində də nizamlanma aparıldı. Eyni istiqamətdə hərəkət edən avtobusların bəzisi xətdən çıxarılaraq nəqliyyat sıxlığının qarşısı alındı. Bu yaxınlarda ölkə başçısı İlham Əliyevin fərmanı ilə təsdiq edilmiş "Bakı şəhərində nəqliyyat sisteminin təkmilləşdirilməsinə dair Tədbirlər Planı"na uyğun olaraq 500 "London taksisi" gətirildi. Gətirilən yeni taksilər ilk olaraq Avropa Oyunları zamanı rəsmi qonaqların və idmançıların istifadəsinə veriləcək. Onlar Dövlət Avtomobil Nəqliyyatı Xidmətinin xətti ilə fəaliyyət göstərəcək. Həmin taksilər "Bakı taksi xidməti" adlı qurumun tabeliyində fəaliyyət göstərəcək. Maraqlıdır, yarışlar zamanı özəl taksi xidməti fəaliyyət göstərəcəkmi? Nəqliyyat Nazirliyinin ictimaiyyətlə əlaqələr şöbəsinin müdiri Namiq Həsənovun sözlərinə görə, ölkəyə gətirilən yeni taksilər ilk olaraq Avropa Oyunları zamanı rəsmi qonaqların və idmançıların istifadəsinə veriləcək: "Onlar Dövlət Avtomobil Nəqliyyatı Xidmətinin xətti ilə fəaliyyət göstərəcək. Bizdə "Bakı taksi xidməti" deyilən bir qurum yaradılacaq. Bu barədə artıq qərar var. Həmin taksilər "Bakı taksi xidməti" adlı qurumun tabeliyində fəaliyyət göstərəcək". N.Həsənovun sözlərinə görə, qanunsuz taksi fəaliyyətinə icazə verilməyəcək: "Bizim məqsədimiz ölkədə bir taksi xidməti formalaşdırmaqdır. "London taksiləri"nin gətirilməsi də, digər markalı avtonəqliyyatın taksi xidmətinə buraxılması da elə bu məqsədi daşıyır. Biz istəyirik ki, taksi bazarı sivil qaydada tənzimlənsin. Bizim qanunsuz fəaliyyət göstərənlərə, parkinq edənlərə qarşı mübarizəmizin məqsədi vətəndaşlara sivil taksi xidmətinin göstərilməsini tənzimləməkdir. Bu istiqamətdə də fəaliyyətimizi davam etdiririk. Londondan gətirilən taksilərin sayı artdıqca, qanunsuz taksi fəaliyyəti göstərənlər bazardan sıxışdırılıb çıxarıldıqca yeni münasibətlər sisteminə qədəm qoyacağıq". (baki-xeber.com)
Türkiyədə ordu ilə PKK terroçuları atışır: xeyli sayda ölü və yaralı var
“Xalq dolların bahalaşmasını düzgün formada anlamayıb, bunu xalqa sadə şəkildə izah etmək lazımdır"
Sumqayıtda dəhşətli qəza: yük maşını kişinin üstündən keçdi
Sumqayıt şəhərində yerləşən poladəritmə sexində baş vermiş partlayışla bağlı cinayət işi açılıb.
Avstraliyada alimlər insan beyin hüceyrələri ilə elektron çip yaratmağa nail olublar.
Azərbaycan Mərkəzi Bankı (AMB) iyulun 30-na olan USD/AZN rəsmi məzənnəsini açıqlayıb.
Kommunal xidmətlərdən hansına daha çox ödəniş edrisiniz?
2016 Powered By Maker.az
