Abşeron rayon Saray bələdiyyəsinin sədri Vəsilə Əbilhəsənova və onun həyat yoldaşı qətlə yetirilib.
Xeberle.com-a verilən məlumata görə hadisə gecə saatlarında onun yaşadığı Saray qəsəbəsindəki evdə qeydə alınıb. Belə ki, qatillər onun başını kəsib, həyat yoldaşı Vəfadar Əbilhəsənovu isə güllə ilə ürəyindən vurublar. Üstəlik, izi itirmək üçün evi yandırıblar. Hazırda mərhumların meyidləri Sumqayıt şəhər 1 saylı təcili tibbi yardım xəstəxanısının morqundadır. Baş vermiş hadisə ilə bağlı əməliyyat qrupu yaradılıb, cinayət işi başlanıb, istintaq gedir. 

***
Son məlumatlara görə, hadisəni törətməkdə şübhəli bilinən şəxs də artıq müəyyənləşdirilib. Bu, 1980-ci il təvəllüdlü Fədail Güloğlan oğlu Hüseynovdur.

Polisin keçirdiyi əməliyyat nəticəsində Fədail Hüseynov saxlanılıb.

İlkin ehtimala görə, hadisə şəxsi münaqişə zamanı qeydə alınıb. Tərəflər arasında mübahisənin torpaq üstündə düşdüyü ehtimal olunur.
***

Vəsilə Əbilhəsənova 1976-cı il iyunun 8-də doğulub, bu gün isə onun ad günü imiş - 39 yaşı olurmuş. 

Xeberle.com