Seminarda layihənin reallaşdırılmasında məqsədin əlilliyi olan şəxslər arasında sahibkarlığın təşviqi, əlillərin və o cümlədən əlil qadınların sahibkarlıq fəaliyyətinə hazırlanması üzrə maarifləndirmə tədbirlərinin təşkili, kreditlərə çıxış imkanlarının öyrədilməsi və fəallığın artırılması olduğu bildirilib.

Qeyd olunub ki, məqsədlərə çatmaq üçün "Azərbaycan 2020: Gələcəyə Baxış” İnkişaf Konsepsiyasından irəli gələn vəzifələrin əlillərə çatdırılması,əlillərin sahibkarlıq fəaliyyətinə təşviq edilməsi ilə insan kapitalının inkişafı vә səmәrəli sosial müdafiə sisteminin qurulmasına yönəlmiş addımların əhəmiyyəti, kreditlərə çıxış imkanları və onun yolları, sahibkarlıq fəaliyyəti ilə məşğul olan əlillərin təmsil etdiyi hüquqi və fiziki şəxslərin, sahibkarlıq fəaliyyətinə yeni başlayan əlillərin maarifləndirilməsi, onlara zəruri nəzəri biliklərin və beynəlxalq təcrübənin, vərdişlərin və bacarıqların aşılanması istiqamətində sistemli, planauyğun və davamlı fəaliyyətin təşkili və həyata keçirilməsi vəzifələrinin həyata keçirilməsi nəzərdə tutulub.

Tədbirdə Vergilər Nazirliyinin 2 saylı Ərazi Vergilər Departamentinin Qeydiyyat və Uçot şöbəsinin rəisi Azər Babayev "İstehsal və istehlak müəssisələrinin yaradılması, əhəmiyyəti və idarə olunması” mövzusunda məruzə ilə çıxış edib. A.Babayevə sahibkarlıq fəaliyyətinin təşkili və həyata keçirilməsi prosesində vergi ödənişlərinin yolu və əhəmiyyəti ilə bağlı zəruri bilgilər barəsində də iştirakçılara geniş məlumat verib.

Tədbirdə "İnsan Hüquqları və Maarifçilik” İctimai Birliyinin sədri Rafael Becanov da iştirak edib.

Xeberle.com