Bu gün Sumqayıt şəhər İcra hakimiyyəti və Gənclər və İdman Baş İdarəsinin birgə təşkilatçılığı ilə Sumqayıt şəhər Heydər Əliyev Mərkəzində 15 İyun – Milli Qurtuluş Gününə həsr olunmuş "Qurtuluş Günümüzü əbədiləşdirək!” adlı dəyirmi masa keçirilib.

Əvvvəlcə tədbirdə ümummilli lider Heydər Əliyevin zəngin həyat və fəaliyyətindən bəhs edən film nümayiş olunub.

Tədbiri giriş sözü ilə açan şəhər İcra hakimiyyəti başçısının müavini Elgin Həbibullayevdünyamiqyaslı şəxsiyyət Heydər Əliyevin xalqa, millətə və dövlətə sədaqətli xidmətə həsr edilmiş həyat yolundan danışmış, onun xalqın ən çətin günündə yenidən siyasi hakimiyyətə qayıdaraq milləti məhv olmaq təhlükəsindən xilas etdiyini qeyd edib.

Gənclər və İdman Baş İdarəsinin rəisi Elşən Baxşəliyevin, "Sumqayıt qəzeti”nin baş redaktoru, əməkdar jurnalist Qüdrət Məlikovun, Heydər Əliyev Mərkəzinin direktoru Aygün Zülfüqarlının,şəhər Bələdiyyəsinin üzvü Günel Qiyasovanın, tələbə gənclər Elşad Əliyevin və Leyla Ağayevanınçıxışlarında ulu öndərin xilaskarlıq missiyasından, Azərbaycan tarixində əvəzedilməz rolundan konkret faktlar üzrə bəhs edilib.

Xeberle.com