"Azərikimya” İstehsalat Birliyində 15 iyun - Azərbaycan xalqının Milli Qurtuluş gününə həsr olunmuş tədbir keçirilib və bu günə həsr olunmuş Sumqayıtın idarə və müəssisələri arasında 2 gün davam edəcək Şahmat turnirinə start verilib.
Tədbirdən öncə Azərikimya İB-nin kollektivi, tədbirə dəvət olunmuş qonaqlar və turnir iştirakçıları Ümummilli lider Heydər Əliyevin Sumqayıt şəhərindəki abidəsini ziyarət edib, abidənin önünə gül dəstələri qoyulub.
Daha sonra tədbir Azərikimya İB-nin akt zalında davam edib.
 Tədbirdə YAP-nın Sumqayıt şəhər təşkilatının sədr müavini Vəzirxan Ansarov, "Azərikimya" İstehsalat Birliyinin Müşahidə Şurasının sədri, millət vəkili Muxtar Babayev çıxış ediblər.
Sonda 15 iyun - Azərbaycan xalqının Milli Qurtuluş gününə həsr olunmuş Sumqayıt şəhərinin müəssisə və təşkilatlardan 40-a yaxın iştirakçı qatılan şahmat turnirinə start verilib.. Turnirin açılışında Şahmat üzrə beynəlxalq dərəcəli qrossmeyster, Sumqayıt şəhər Bələdiyyəsinin sədr müavini Zeynəb  Məmmədyarova çıxış edərək turnir iştirakçılarına uğurlar arzulayıb.
Şahmat turniri iki gün davam edəcək.