"I Avropa Oyunlarının Bağlanış Mərasimi üçün nəzərdə tutulan 48 min bilet satılıb. Yerdə qalan biletlər isə gizlədilmir”.
Bunu Azərbaycan Respublikasının gənclər və idman naziri və Bakı 2015 Avropa Oyunları Əməliyyat Komitəsinin (BAOƏK) baş icraçı direktoru Azad Rəhimov deyib.
O bildirib ki, bəzi sektorlar idmançılar üçün ayrılıb: "Təxminən 3 mindən artıq yer idmançılar üçün nəzərdə tutulub. Bir hissə isə yayım üçündür. Bununla yanaşı, protokol üçün də yerlər ayırmışıq. Çünki Azərbaycana yüksəksəviyyəli qonaqlar gələcək. Yerdə qalan hissənin biletləri isə satışa çıxarılıb”.
Nazir qeyd edib ki, oyunlar zamanı əsasən ənənəvi idman növü üzrə yarışlara tələbat çoxdur: "Hətta mənə "Neftçi" klubunun rəhbəri zəng etmişdi. O, məndən azarkeşlər üçün bilet istəyirdi”.
O, qeyd edib ki, biletlərin satışı ilə bağlı heç bir problem olmayıb. A.Rəhimovun sözlərinə görə, biletlərin satışında heç bir texniki problem yoxdur. "Biletlərin satışında hər hansı problem olsaydı bundan təbii ki, xəbəriniz olardı”.
Nazir Avropa Oyunlarının bağlanış mərasimi haqqında Saymon Kleqlə zarafatını da diqqətə çatdırıb. "Açılış Mərasimi o qədər möhtəşəm oldu ki, Saymonla öz aramızda zarafatlaşdıq ki, biletlərin qiymətini bahalaşıdıraq. Onsuzda maraq böyük idi və biletlər alınacaqdı”.
Azad Rəhimov I Avropa Oyunlarının siyasiləşdirilməsinə də münasibət bildirib. Nazir qeyd edib ki, idman oyunlarını siyasiləşdirməyin ciddi əleyhinədir. (anspress.com)
Xəbərdən istifadə edərkən istinad etmək vacibdir.
