Sumqayıtda "Əlil Sahibkarlar Təşkilatı” İctimai Birliyinin təşkilatçılığı, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə "Əlillərin sahibkarlıq fəaliyyətinə təşviq edilməsi məqsədi ilə təlimlərin keçirilməsi” layihəsi çərçivəsində növbəti təlim-seminar keçirilib.

İctimai birliyini Mətbuat xidmətindənXeberle.com-a verilən məlumata görə, seminarda Azərbaycan Respublikası İqtisadiyyat və Sənaye Nazirliyinin Bakı Biznes Tədris Mərkəzinin (BBTM) direktor müavini Rahim Mürsəlov, Bakı Biznes Tədris Mərkəzinin şöbə müdirləri Mehti Namazov, Vidadi Baxışov, Süleyman Əliyev iştirak edərək "İxracyönümlü və rəqabət qabiliyyətli məhsulların istehsalı və fəaliyyət” barəsində ətraflı məlumat veriblər.

Sahibkarlıq fəaliyyətinin təşkili zamanı zəruri bilgilər və bu istiqamətdə olan beynəlxalq və respublika səviyyəli Proqram və Layihələrin reallaşdırılmasında əldə olunmuş nailiyyətlər də iştirakçıların diqqətinə çatdırılıb.

Vurğulanıb ki, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə reallaşmaqda olan layihənin gələcək davamlılığı məqsədilə "Sahibkarlığa Hüquqi Yardım” Departamentinin yaradılması nəzərdə tutulur.

Təlim-seminarın gedişi zamanı bu mövzu geniş müzakirəyə yol açıb və BBTM – nin təmsilçiləribelə bir departamentin yaradılmasının vacibliyini önə çəkiblər.

Qeyd edək ki, tədbirdə Beynəlxalq Sağlamlıq Mərkəzinin təmsilçiləri Cəvahir Məhəmmədova və Vəli Qələndərov, eləcə də KİV nümayəndələri də iştirak ediblər.

Xeberle.com