Ulu öndərimiz Heydər Əliyev belə deyib. Müdriklərin fikrincə, bir şəhərin səviyyəsini bilmək üçün üç şeyi nəzərdən keçirmək kifayətdir. Ondan birincisi yol, 2-si bazar, üçüncüsü isə qəbirsanlıqdır.

"Dağ nə qədər uca olsa da üstündən yol keçir" deyiblər. Analar övladlarına xeyir-dua verəndə onlara "Yolun açıq olsun!" söyləyib.

Çox təəssüf ki, hazırda Sumqayıtda yol kəsənlər, yol bağlayanlar yol verənlərdən daha çoxdur. Gördüyünüz bu mənzərə 9-cu mikrorayonda 25 saylı sərnişin avtobusunun və digər nəqliyyat vasitələrinin işlədiyi çox izdihamlı gediş-gəliş yoludur. Adi vaxtlarda bu yolda qarşılaşan iki minik maşını çox çətinliklə bir təhər keçib gedə bilirdi. Hazırda bu imkan həm sürücülərin, həm də piyadaların əlindən tamamilə alınıb Bu səbəbdən həmin ünvanda tez-tez qəza halları, xoşagəlməz hadisələr və qalmaqallar yaranır. Sürücülər və piyadalar onların yolunu kəsmiş şəxslərin ünvanına qarğış və lənətlər yağdırır. Biz ətrafdakılardan bu el yolunu kəsənlərin, piyadaların və maşınların sərbəst hərəkət etmək hüququna müdaxilə edən, memarlıq və şəhərsalma qanunlarını pozan şəxslərin kimliyini müəyyənləşdirmək istəsək də, buna konkret cavab verən olmadı. Lakin məlum məsələdir ki, şəhər ərazisində aparılan irili-xırdalı tikinti işlərinə xeyir-dua verən yalnız bir ünvan var. Bu ünvanın "möcüzələri" haqqında araşdırmalar davam edəcək.