Üç yaşlı gənc dostum Xeberle.com portalı və onun yaradıcıları olan Ramil Zeynallı, Elnur Ağayev və Kamal Almuradlı kimi savadlı, bacarıqlı və istedadlı gənclərin ərsəyə gətirdiyi bu layihə sağlam rəqabətlə oxuculara xidmət etməkdədir. 3 enerjili gənc dostun birlikdə təsis etdikləri bu portal yarandığı gündən oxucularının xəbər portalı olmuşdur ki, mən də hər zaman onlarla əməkdaşlıq etmişəm.

Bu portalın qısa müddət ərzində özünə yer tutması, yeniliklər əldə etməsi və onun uğur qazanması çox təqdirəlayiqdir.

Bir müəllim-psixoloq kimi deməliyəm ki, "Xəbərlə” cəmiyyətə xidmət etməklə yanaşı Azərbaycan dilinin incəliklərinə də riayət etmiş, ədəbi dilimizin normalarına mütəmadi əməl olunmuşdur. Milli-mənəvi dəyərlərimizə də önəm verməklə üç illik fəaliyyəti dövründə "Xəbərlə” bir brend kimi formalaşmışdır.

Xeberle.com-un yaradıcı kollektivinə bundan sonra da uğurlar arzulayıram. Qürurla deyirəm:

- Ad gününüz mübarək, əziz dostlar!

Əlhəddin Cekli,
Sumqayıt Şəhər Təhsil Şöbəsinin metodisti