Sumqayıt Təhsil şöbəsinin müdirinin işdən çıxarılmasına reaksiya olaraq bəzi qüvvələr tərəfindən təpkilərin gəlməsi məni heç də təəccübləndirmədi. Bütün dövr və zamanlarda yeniliyin əksinə çıxan qüvvələr olub və yenə də olacaqdır. Zakir Fərəcov Zakirin təhsildə dönüş yaratmaq cəhdinə müqavimət göstərən qüvvələrin arqumentləri yetərsizdir.Onlar Abşeron rayonundakı təhsilin səviyyəsi ilə Sumqayıtı müqayisə edərkən statistik rəqəmlərə əsaslanaraq guya Sumqayıtın daha qabaqcıl olmasını nümunə gətirirlər. Əslində vəziyyət başqadır. Sumqayıtın ənənəvi olaraq təhsil sahəsində nailiyyətləri mövcuddur. Bu günkü vəziyyət isə illərlə toplanan nailiyyətlərin fonunda heç də ürəkaçan deyil. Ali məktəblərə qəbul imtahanlarında yüksək nəticə göstərən şagirdlərin böyük əksəriyyəti repetitor müəllimlərin zəhmətinin nəticəsidir.

İcra başçısının iradları isə tamamilə düzgündür. Bu gün məktəblərin sosial durumu və dərs davamiyyəti çox pisdir. Yuxarı siniflər demək olar ki, son iki ilini məktəbə simvolik olaraq qeydiyyyata düşmək məqsədilə gəlirlər. Ümid edirəm ki, Zakir Fərəcov yeni təhsil şöbəsinin müdiri təyin edərkən bu amilləri nəzərə alacaq və düzgün qərar qəbul edəcək.

Vasif Əfəndi

Sumqayıt Bələdiyyəsinin keçmiş üzvü