«Azərikimya» İstehsalat Birliyinin kollektivi xalqımızın və bütün müsəlman dünyasının ən əziz və ən müqəddəs bayramlarından olan, insanları, əmin-amanlığa, birlik və həmrəyliyə, saflığa və təmizliyə səsləyən Qurban bayramı ərəfəsində Əlil Qadınlar Cəmiyyəti Sumqayıt şəhər təşkilatının, Əlillərin Beynəlxalq Əməkdaşlığı uğrunda Cəmiyyətin, Müharibə, Əmək, Silahlı Qüvvələr Veteranları Şurasının üzvləri, Şəhid ailələri və Qarabağ əlillərinin "Rahib” Xeyriyyəm Cəmiyyətinin, respublika Gözdən Əlillər Cəmiyyətinin Sumqayıt şəhər şöbəsinin, şəhərin aztəminatlı ailələrinin uzvləri, həmçinin Qızıl Aypara Cəmiyyəti Sumqayıt şəhər bölməsinin qeydiyatında olan bir qrup insanlarla görüşüb.

Görüşdə imkansiz ailələrin və əlillərin yaşayış tərzi, ailə-məişət qayğıları ilə maraqlanılıb, onların arzu və istəkləri dinlənilib.

Qurban bayramı münasibətilə «Azərikimya» İB tərəfindən şəhid, əlil və veteran ailələrinə, həmçinin aztəminatlı insanlara bayram sovqatı paylanılıb.