Həcc ziyarətinə yollanmış azərbaycanlı zəvvarlardan biri qəfil dünyasını dəyişib.

61 yaşlı Fəxrəddin Zeynalov Minada şeytanı daşlayıb qurban kəsdikdən sonra qəfildən dünyasını dəyişib. Onun ürək tutmasından öldüyü bildirilir.

Qubadlı rayonunun Dondarlı kəndindən olan Fəxrəddin Oruc oğlu Zeynalov Xırdalan şəhərində yaşayırdı. Su idarəsində işləyən məcburi köçkün F. Zeynalov 3 oğul, bir qız atası idi. Mərhumun yas mərasimi sentyabrın 29-da Sumqayıt şəhərində təşkil olunacaq.
Allah digər zəvvarlarımıza sağ-salamat vətənə qayıtmağı nəsib etsin.

Xeberle.com