Vətəndaşlar icra nümayəndələrinin qayğıkeş münasibətindən məmnundur
Ötən həftəsonu Sumqayıt Şəhər İcra Hakimiyyətinin inzibati binasının qarşısında onlarla vətəndaş başçının qəbuluna yazılmaq üçün növbəyə dayanıb.
Qeyd edək ki, indiyə kimi Sumqayıt Şəhər İcra Hakimiyyətində qəbula düşmək üçün belə izdiham müşahidə olunmayıb. Vətəndaşlarla apardığımız söhbət zamanı məlum oldu ki, Sumqayıt sakinləri şəhərə yeni rəhbər təyin olunan Zakir Fərəcovun apardığı işlərdən və verdiyi vədlərdən ruhlanaraq problemlərinə daha isti münasibət göstəriləcəyinə inanıb onunla görüşməyə can atırlar. Sakinlər bundan əvvəlki rəhbərliyi özlərinə "yad" hesab etdikləri üçün qəbula gəlməyə belə lüzum bilməyiblər. Aldığımız məlumata görə, müraciət edən vətəndaşlar qəbul edilir və onların problemlərinə diqqətlə yanaşılır. (moderator.az)