Respublikanın əməkdar jurnalisti Eyruz Məmmədov və Sumqayıt Dövlət Universitetinin prorektoru, professor Ramazan Məmmədovla birlikdə yazdıqları "Sumqayıt,1988. Cinayət və cəza" kitabı Meksikada ispan dilinə tərcumə olunub və çap olunub. Xeberle.com məlumat verir ki, kitab bundan əvvəl azərbaycan, rus, alman, ingilis dillərinə tərcumə olunmuşdur. Kitabda 1988-ci il Sumqayıtda baş verən hadisələrdən bəhs olunur. Kitabın tərcuməsinin və çapının təşəbbüskarı Azərbaycanın Meksikadakı Fövqalədə və səlahiyyətli səfiri İlqar Muxtarovdur.

Qeyd edək ki, dünyada 24 ispandilli ölkə var. Kitab həmin ölkələrin aparıcı universitetlərinə, kitabxanalarına, parlament və senatlara təqdim edilib. Kitabın Meksikada rəsmi təqdimetmə mərasiminin keçirilməsi nəzərdə tutulur.

Kitaba ön sözu Qustavo Karvaxal yazmışdır. O, Latın Amerikası və Karib Hövzəsi ölkələrinin Siyasi Partiyaların Daimi Konfransının vitse-prezidenti, Meksika konqresinin uzvü, senatordur.

Ön sözdə deyilir: "Azərbaycan, Ermənistan və kecmiş SSRİ kimi işğalcılar tərəfindən təcavüzkar hücumlara və əsassız iddialara məruz qalmışdir. Bu gün Azərbaycan sülh və ədalət tələb edir. Heç bir şey ədalətdən üstun ola bilməz. Zorakılıq ədalətə ən uzaq olan şeydir və qəbuledilməzdir."

Nəzərinizə çatdıraq ki, sözügedən kitabda SSRİ DTK-sı, Ermənistanın xüsusi xidmət orqanlarının naqis, düşmən fəaliyyəti faktlarla göstərilib, hadisəni törədən xüsusi ekstremist qrup adba-ad ifşa olunub. Monoqrafiyanın müəllifləri Sovet İttifaqını bürüyən iğtişaşlar dalğasını geniş şərh etmiş, həm də Sumqayıt faciəsi ilə Alma-Ata, Oş, Tbilisi, Vilnüsdə qanlı hadisələr arasında paralel aparmışlar.

Xeberle.com