43 saylı Sumqayıt Üçüncü Seçki Dairəsindən deputatlığa namizəd Eyvaz Qocayev şəxsi Facebook profilində Sumqayıtda işsizlik, xüsusən gənclərin məğulluğu ilə bağlı tənqidi fikirlər bildirib. O söyləyib ki, keçirdiyi görüşlərdə gənclərin əksəriyyəti işsizlik problemindən narahatlığını ifadə edir:
"Məşğulluq problemi ölkəmizdə olduğu kimi 43-cü dairənin seçicilərini də ən çox narahat edən problemlərdəndir. Rəsmi statistik məlumatlara görə Sumqayıt şəhərində məşğulluq xidmətində işsiz statusu alan şəxslərin sayı 2015-ci ilin əvvəlinə olan məlumata görə 2010-cu illə müqayisədə 2 dəfə artıb. Gənclərin məşğulluğu, karyerada inkişafı hər zaman fəaliyyətimin öncəliklərindən olub və bundan sonra da belə olacaq. İş üçün hər gün Bakıya axışan Sumqayıt gənclərinin yaşadıqları şəhərdə işlə təmin olunması üçün Sumqayıtda sahibkarlıq və əlverişli biznes mühitinin davamlı təşviq edilməsi də hədəflərimizdəndir.”
Xeberle.com